Hawraande yowitiinde e njiyaagu

0
449

– Sabu teskaade wonde njiyaagu (macungaagu) ko balle daɗaaɗe, bonɗe, luutondirɗe e kala ƴellitaare ;

– E teskaade wonde ɗeen balle haa jooni ina lutti wooɗde e nder leydi he e tee batte mum ina lutti lorde mooɓre heewnde e nder renndo men;

– E teskaade wonde macungaagu ko bonannde luutondirde e diine men lislaam e jojjanɗi aadee ;

– Sabu teskaade kadi wonde won mbaadiiji goɗɗi macungaagu ngoodii e nder cahe mawɗe he (teeru) ;

HEERTO (Parti) UFP rennduɓe e batu mooɓondiral 3ɓal e ñalɗi 27, 28, 29 e 30 deesammburu 2012,

– Ina ɗaɓɓira ardorde parti o nde hesɗitinta miijo mum feewde e njiyaagu e batte mum hirjina doole ɓamtaare kala ngam mumtude njiyaagu e sifaaji mum kala e falaade kala ceerundal ɓesngu tuugingal e feccooru ;

– Ina waggina ardorde nde, nde sosata ceŋgal e nder parti oo toppitoongal hakke aadee ngam haɓaade sifaaji paltoor kala ;

– Ina ɗaɓɓira ardorde nde nde darantoo mbele kuuge ina pawe e denndaangal sifaaji balle jowitiiɗe e njiyaagu ;

– Ko noon ne kadi ɓe ɗaɓɓirta e ardorde he nde darotoo mbele tuugnorɗe faggudu e sifaaji kala ina lelnee ngam faabaade lornooɓe e njiyaagu :

– Waggina annduɓe men diine nde ndarotoo darnde moƴƴere ngam findinde ɓesngu ngu e bonannde wonnde e njiyaagu ;

– Ina suurta kala darnde yahrunde e huutoraade ɗee balle ngam seerndude ɓesngu men .

Nuwaasoot ñande 30 deesamburu 2012

Batu Mooɓondiral