Hawraande yowitiinde e Palestiin

0
294

– Sabu teskaade wonde dowla Israyiil inan jokki e luulndaade kala kawraaɗe nanndiraaɗe to fedde dowlaaji dentuɗi

– E teskaade kadi darnde nde Israyiil jokki e warngooji kuuftidinɗi feewde e hoohooɓe Palestiin ;

– E teskaade muumɗugol gondungol e weleede ɗum e ballal ngal dowla amerik e won e leyɗeele tuubakooɓe mballitta Israyil e tiimgol mum ngol rewaani laawol won leyɗeele palestiin ;

HEERTO (Parti) UFP rennduɓe e batu mooɓondiral 3ɓal e ñalɗi 27, 28, 29 e 30 deesammburu 2012 ;

– Ina luulndi warkoyaagu Israyiil ummanii feewde e palestinnaaɓe e jokkugol mum e tiimde leydi palestiin ;

– Ina rennda weltaare e ɓesngu Palestiin sabu poolgu ngu ɓe keɓi to bannge dipolomasii sabu jaɓgol Fedde Dowlaaji Dentuɗi yoo ɓe njeye e tawtorteeɓe Batu mum kuuftidinngu.

– Ina wasiyoo pelle palestinnaaɓe kala nde ndentata ngam falaade gaño maɓɓe gooto hono dowla Israyiil tiimoowo.

Nuwaasoot ñalnde 30 deesamburu 2012

Batu Mooɓondiral