الصفحة الأساسية > Soninke > Kaawaye: dulli bure wa katta Moritani ya!, soxxanon wa kanne (...)

Kaawaye: dulli bure wa katta Moritani ya!, soxxanon wa kanne di

السبت 29 تشرين الأول (أكتوبر) 2011

Kaawaye: dulli bure wa katta Moritani ya!, soxxanon wa kanne di Taraata oktoburu 18, 2011

Ke kan kooro be gari Moritani yrigi, kanunten ni moxo buru, sere su ga a di a nan xawa taaxunu ti a yi: polikin kahonu, soron kundun ma, (sendikani, ONGnu, feddu beenu be ga sikkii do haadama haqe), toore ke hana yan xawa I naxxanen yette.

Xa kuna soro ku tanpiye ke wa toore ke maxa xom hare ga to haringalle di, ken ni ho ya a lasamantn ga ni a ga nta faamini. Ma lenki kiye ke kille su ma wuti katta ke xota bure kaana xatanden wa, ken da a tuyindi o ya nan ti ku beenu ga toorini o kanma a na xo ya ga nta ho seeda maaxa du saagoonon ya ga ni I ya.

Ho be tallan kununten ga ni xa di, ken ni ya toore ke na xo i be ga nta hi seeda katta ke kaawaye ga riini hom be bonon di jamaane ke di, dulle ke gan rawayi xootiye be ritini jamaane ke di, a ken wa xo be ga nta ken su seeda, baawo ken xootiye buren ya ni ti a toore ke yinme ya.

Axa yinmenu na a haayi hoobe gan rawayi riini yere do xasu 3 katta naxato, gelli hari baane ga ma dabari kuudo na ke kaawaye gaja nan gemu a yi, o yaaxen wa a taagumancon wa nuqnu yogo di saasa jamaane ke noxon di. Danxanŋu gabu jamaane ke di i naaburun su kara ma i ga ñemene, dulli xoten wa a di, do a wttu, do kalle, do gajan wu, kenb do soron ga wurunu katta debi xooron wa, do jammanu beenu ga o kaaro, ma nuqunu beenu gan laato ken wa, ho be gan xoto ken su ya: tiyen ga ña o maxa kanŋen wa jamaane ke su di.

Axa be ga ni o wa atu nan ti soro ku beenu ga bireene debu xooro ku di, xotan wa i hanka su kanma moxo buru, toore ke ga da killu beenu wutu debi xooro ku da ken xa da hiinun talla xoton di debi xooro ku di, a su ntx xo jammane ke debi xoore ke: golle nta, jonkonun su sege ho wo ho xoto, jaare raxo nta warini, an yaaxenn ya na konpopn wa noqu su debi xooren di.

O ga na a raga nan ti ma dulle ke ga da soro dantanto xata katta debi xoore ke, ken dinma “Soomalinkaaxun” nan maxa sanku hari sere baane ya. Ke digaame sahanten ya ni, o ga an akorosi xawarannaaxu ke be ga Somali do Moritani naxa, seraaxun do ñan moxon kaaran wa. Saasa kuna, o nan xawa mani dabarini ku do na ke kaane xata?

Ke jaaranden ma xenpe na biraadon baane taxandi soron wa, a siren ya ni, baawo ma a ga da ho bogu soroku tanpiyen di, xa a kuna a nta ho wo sirono xota ke yinmi yime ya, yige hon kottoyen wa naaburi siginton da, I yigahon ga nta warini jamaane ke su di.

Ken kuna, ho be gan xawa dabarini saasa ken ni ya na killi xullu sigindi kuudo nan gemu naburin kalle ke ya na a kaba ku koyu beenu ga riini noxon di, baawo naaburu ku ga an kara ken na xootiyi gabe ya ritini jamaane ke di a do jamaane ke renmun naxa kaaran su ya.

… Jammaneke yinmanken nan xawa heere dabarini na o do o taaxanllenmon naxan sirondi, sooxeyu beenu o yaaxen ga i ya na ho bogu i di, jamu baane yan xawa ñiini o do ku jamaanu naxa, taaxanllemmaxu baane nta o do i naxa, o aaxinun yaani gelli ganni ma lenki ho wo ho nta xa wa ken bonondini;

… nan sigi saasa ti o do ku jammanu menjaŋaaxun siron den wa, na killu sigin di a na ñi terenden ga dabrini jammanu ku naxa, a su nta xo naaburun terende. Kun killu ga na sigi ya ni, gelli ke xota me ga na ri o na katta genme a yi moxo sire di.

… Na moxo kini soxaano ku ya saasa i ga kattana gollini, a su nta xo hanxanne ke soxaano, na I deema, ni I buttun xoton di katta soxe ke be ga heti na I biraadon baane kita i gan katta a dabarini ñiiño ku beenu ga ma soxe yirigi ti biraado baane ya.

… Na a muurun jammanu beenu ga ni aaxinu do menjanŋu na o deema o ga ke golle bakka yaaxen di moxo be jewoye maxa. Hari a ga na ñi o jinken ga o du ya kanma, o wa a tu nan ti ho wo ho ra nta yi o jamaane ke bakka ke xota bure di, a ga tallan bonno koota su, a ga xo ho ya ga tallan kahini a yi, a ga ma ña ya halle me mukke jamaane ke renmun naxa, a ya ge ni na me daro, a do toore be gan katta ho da na ke xota girindi. Maareg abaaba, Faranci

الرد على هذا المقال