CGTM/CNTM: digan xanne

Sibiti novanburu 5, 2011

Moritani toore ke wa a mulla i na killi kurunba bagandi ken ga riini ho bogu sendikanu ku hooraaxun di na a saxu harraxundu bveenu a ga i dabarini na a wutu kille be ga ni 207/71 a ga bange 08/05/2011 ken ga da haqe sigindi hobe ga katta nan butu gellen wa hankan goliañaŋaanon da.

Haraaxundu ku beenu ga dabnarini, i saxu liixiye ya kanma, ken ga saxu kille be ga ni 39-09 kanma ya a ga bange sanvie 8, 1993 a ga bhanka goliañaŋaanon moxon konno ken do goliañaŋaano beenu ga ma sabati hankan da, ken ga da a bangandi i tappi 21 n di goliañaŋaano beenu gan ra nta yi buttu giollen wa, ken tappe kunba sendikanu ku bara moxo siri gelli a b iren wa kahini duna jammaninkho be ga sikki do golle (OIT).

Ku harraxundi kurunbo wa kahini ku beenu ga saxu kille be ga ni 27-2009 kanma ken ga ñi a ga da kille be ga ni 017-2004 haraaxu a ga saqa gollenn yan moxon wa, a ga yaamarindi na xenkan xirisu ku soxo, do na sendikanu ku yinmenu kara.

Na a saxu ke golli bure be a ga dabarini ken ga ni saagati halle hoobe katta sendikanun hooraxun do i du kitayen wa, sendikan kahonu bveenu ga da ke nooni:

 Wa a tuyidini ti senbe ballen wa, toore ke ga hom wo ho kanma na a dabri kuudo i ga sendikanu neqini moxo be na I kaba moxo konnen wa, a su nta xo tooren goliañaŋaano na I kaba buttu gollen wa.

 I wa tini o ga ke yillankunpaye be di, ho bure ya ni o ga nta yillakaran tu, toore ke ga a dabarini, a ga nta masalan newondini toore ke do jaman kahonu ku naxa, moxo be ga goliañaŋaano ku hooraaxun do i du kitayen tangana do o jammanen gollaanon haqe.

 I wa a muurunu goliañaŋaano ku su moxo i nan sigi na i hgaqen do i hooraaxun muuru moxon ma ke su, golle do manankunmu kaara. Nuwasotu 11/02/ 2011

Ti CGTM toxo :Abdallahi Uld Mohamed I ga a tu Naha

Ti CNTM toxo : Mohamed Ahmed Uld Saleck