PRDS sirawun ha yi

Novanburu 2, 2011

Sere be su gana a korosi na a haayi soro beenu ga ke soroba be ga taaxu ti digallenmaaxu ke gopllun korosinden da, ma a gada hi lasamante wari toore ke do baranto yogonu naxa) ken ga ni: ke soroba a kuti bakka sorba xase ya di a ga ñi PRDS yinmankaaxun di ganni

An ga na a haayi, a ga ma ña ya halle Korera Issagha do Ahmed Ould Abdallahi i ga APP, ken kutten su a su giri ganni parti xoore ke ya yi, maaxa heddin lenmu bveenu ga a kaaran wa, i hanka su ni Uld Taaya minitiri xason ya, a gannin haari taaxunto, a kanpaañi yinmanka xaso, a naaburi maraana xaso, a sooxaana xaso, a kittin doromo.

Kundu ya ni baanan sehen ga da killen wutu, ke daigallenmaaxu be gada hi baane ya dabari na barnto ku hata me a su nta xo a gfa da Masaudu Uld Bulxairi do i daaru terallenmon hata bakka me, a ma ho tana su riti a ga ma ña ya halle na kille kini ganni toori tooxinte kebe ga xenu 2005 soro xasun wa i ga yillene bakka moxo be. Gaara buru ga dabari juamaane ke killun kanma 1991 ma o gagda i wari, ho wo ho ga ñaana na killun do kaanun texe ma a ga dabari. Balle kebe ga ñi a di gelli ganni nan bara jammanen baanan naaxun do a ñonkoyen wa ken su tallan telle i kaane ya maxa, jamaanen naabure nta taxandini a gan xawa moxo be jamaanen lenmun naxa, an ñi soron su ya gan ñera jamaanen naaburen di, ken su ntaxa dabarini. Ke su kuna a nta Morianinko lasamana baawo i wa PRDS ku kini xooro tu naha ga nta i ya a ga ma ña nan gaara jamaanen renmu da, na Moritani janba na a naaburun bonondi, baawo i gollen su saxu bonondindn ya kanma. Ko xan mungu do ke pariti bure be ga ñi o kanma a ga da om tooro moxo be a do i wujunen kittin doromon wa?

Lenki koota ke toori xase ke kini xooron su da me ñi I gada me ñi kebe kaane ken xa ni i baananbe ya yi gelli ganni, ken ke a wa xo yinmanke AZIZI gada bonte moxo kita.

A ken ya ni yugo be ga toori gelli ganni, haraaxundu hilli ti senbe, a yille du sugandini ja maanen yinmanke sugande be baranto ku xirisun su ga ro a di, ken do i moxo su hari bi a ma katta du laatondini ku gannin soro xasa buru ya. Axa de haqati ri a ñi a ga da tuure ke kanbon xoso 2005, a ga bara kube i ga im xilli indepandanin wa, siine be ga ni 2008 a ñi a gada i kanben xoton di nan bara ho wo ho ga sikki gannin soro xasu ku ga saagene katta toore ke ya moxon ma su “ ya ga ni bononden taagumancen wa”. Xa kuna wuccen ma hari laato i kun bonondaana baano i ha ga yille riini na i sigiran wutu toore ke noxon di dunnasu yaaxen ga a yi. Uld Abdul Azizi xa hanken da a wutu do ñagamen wa a daga sere xase be su ga ñi muqen di a da su bagandi na a waqi ma a ga xurana na a rom berandi, lenki koota ke i ya ni toore ke tan do a kitten wa, i wa hon kanma na ña a ga genme i ya kiyen kinciga.

Moritani renmun kuna, i wa a tu ku soro nahan ga n i kebe diganllenmaaxun di, daaru baane i ñi i ga sehe Dakaaru ya, i da i digaamu ku nooni dunaasu jon di Nuwasotu saado ga riini danpu i xottun di, xasun jaatu haqe, ken bire i mungu do i gada ho wo ho ko ma i ga da ho wo ho nooni ken ga katta genmallenmaaxu.

Lenki kiye ke ku soro baanu beenu i hanmi hanmi hanan su ni ya i ga toore ke toqo a ga moxo be gelli ganni, i yan masala xadi Nuwsotu, na me mugu, nan ti i gada kebe ko ma i gada a dabari, xa kuna, Moritaninkon su wa a tu nan ti I kun wa I gollen ni ya na heere su dabari toore ke ga toqo moxo kebe a ga a di gelli ganni, a su nta xo lenki koota ke I katta Masaudu Uld Bulxairi kitana na a ro I kaaran wa.

Amar Uld Beja