Moritani muxunto beenu ga Mali: jamaanen noxon ministiri, ANAIR do HCR, I na hi baaen ya konno ba?

Alxamisa Oktobur 13, 2011

Ho be ga katta Moritani muxunto beenu ga Mali, jammanen noxon ministirin digaamun do ANAIR do HCR xallu nta baana.

Assanble ke taaxbe be ga gemu alahadi oktoburu 9, 2011, UFP sugandinte be ga ni Kajata Maliki Jallo da jamaanen noxon ministiri ke Uld Bilili tirindi ho be ga katta “Moritani muxunto beenu ga Mali saagaye ke ga bante, a do ku beenu ga senegaali xa saagaye ke raqen ga saxu an ñi wujunu karagi (5000) serte wa saagayen mulla i ma a kita”. Ku 5000 ni soro beenu ga senegaali ya. Ho be ga katta Mali, jamaane ke noxon ministirin da a ko ANI da nan ti “I ke a nta tuwaaxun di nan ti siine be ga ni 1989 sooxiye ke noxon di Moritani toore ke da soro xata katta ken jamaane ya”

Xaso be ga ni suin, 2010, assanble ke taaxen di jamaanen ke noxon mministirin ñi a gada a xullen ko. A gada UFP sugante yogo Si Sanba jaabi, Mohamed Uld Boilil ti a da “Moritani ma demu i renmu xatana katta Mali ababda”. Ministiri ke ku digaamu i do ho be ga sahe nan koni ANAIR siti baane di bogu me wure. Ke siti (http://www.anair.mr/), a sahe : Siine be ga ni 1989, Moritani do senegaali xootiye ke noxon di, Moritani toore be ga ñi a di ken dinma xootiye ke noxon di a da heere dabari na i jamaaneke ke renmu hatan binnu ga ni wujunun wujunu na i raga na i xata bakka Moritani jamaane ke di. I daga taaxu konpon ya di adi asenegaali do Mali, kun soro beenu i ga da i xata i haayi bioreene birayi moxo xote di, a na ñi i ma bire ti ho wo ho ya a ga maña ya halle duna namaanin kaho HCR gada bire moxo be dabari i da. Siino 19 i ga tuŋan wa ken ma sigi i ga mungu i kaara, i wa a mulla i nan saage riini katta i kaara.”

Jamaane ke noxon ministirin digaamu ku do Elike Segbor digaamun xa bogu me wure, haari taaxunte ga ni HCR danŋani a ga sikki do Afriki kinxenna ke mantooranton wa. Xaso be ga ni suin 2010, i gada a tirindi “Moritani hatanbinnu beenu ga muxu Mali i wa telle ma 10000 sere, i kun xa ñaana kan moxo?”. A ñi a ga jaabin di a ti : “o ma ke golle joppa hina, o da 10000 muxunte ken yiriga hana noqu be ga ni Xaayi a na ñi 80% ke, o raawa tini 8000 kun wa a mulla inan saage katta i kaara, o sinmayun maxa ma o gada xanne sedi ma o wa sukkene do ken golle ya.”

Assanble ke taxxe yogo oktoburu 9, 2011 Mohamed Uld Boili da a ko ANI da, ho be ga katta soro beenu ga snegaali gada tirindinu beenu dabari kuudo nan saage, a ti kun tirindindu i wa im kanma na i guuga ke haqati, xa kuna ma jaabu ga kite i danŋa ni a biren gana kiñe.

Xalilu Jagana