ADRAR : UFP jama Atari ya (Fotonun Haayi)

sibiti novanburu 19, 2011

Aljuma novanburu 18 katta waxati 17, jama gabe soron yimi genmanllemaaxu be UFP gada a moxo gemundi noqun be ga ni Atari sehera banganten wa. Mohamed Uld Mauludi ma ri, parti ke yinbmanka xooro, sugandinto do meerinu i giri i batten di katta Adrari debi xoore ke ya.

Ibe ga joŋa digaamen wuttu a ya ni Abdel Fatah Uld Abeidna, a ya ni UFP bette bega Adrari dunteŋen batta maxe, a ti jhaman da “Adrairi wa xota di lenki ken ga kite ti a renme baane ga toori ke haqati lagare ke jamaane di”. Meerin batta maxen xa da ho kahu a yi “ho kurunba suma dabari yere, ho wo ho ga yere a dabari gelli Uld Taaya kiye. Uld Abdul Azizi da o korindi, na naaburi gumun korindi, na ke danxanŋe tuwaanon korindi”.

A halle sugandinte Kajata Maliki Jallo da digaamen wutu a ti “Uld Abdul Azizi politiki ke xotan wa a ma xenpe Adrari baane ya, Moritani su ya ni” A da ho kahu a yi “Mohamed Uld Abdul Azizi bara sugandinto ku terinkana i gada dulle ke ko katta p ya, ma PAM da i raqen roono digaamen di ya ni a nan toxon gilli”, Kajata Maliki Jallo yille do “katunde be ga saxu” ku beenu ga bara yirigande ke ya Kahayide do Magaama.

Sugandimnte Mustafa Uld Badridiini sukke do jammane ke xirisen golli buru ku banganden wa. A ti jaman dan wa “Azizi korinton yainmanke, a da kitanton ya korinto, korinto xa wa tallan ya na krinto ya,a da kitanta kurunbo bangandi jamaanen di.” Badrini maxa “Adrari hayi tanbo ya tugana a ga ma a wutu.” Wuron kunten wa, sukken dabari Atari ya, suugen kanma do haqila haraaxiye UFP kaanankon do a soron naxa.

Xalulu Jagana

Kiridem danŋa ni